Así, o polifacético cómico de Culleredo debutará como director no FIC, xa que presentará nel a súa primeira curtametraxe documental. Titulada “Nena”, cun guión a cargo tamén de Touriñán, o seu filme sitúanos na pel dunha nena de 12 anos que, trala morte da súa nai, carga co peso familiar.
Pero ademais desta proxección, o público asistente poderá tamén desfrutar, o vindeiro sábado, 31 de agosto, ás 22,15 horas, do seu monólogo “Aquí Tou!”, cuxas entradas xa están á venda.
Xosé Touriñán volve subir ao escenario do Auditorio Municipal de Verín cunha proposta humorística que percorre os fitos máis importantes da súa vida. E ao tempo que se analiza el, retrátanos a todos.
Unha vez confirmada esta presenza, a organización do FIC “Vía XIV” amosou o seu “entusiasmo” pola participación do artista coruñés no festival, o que “sitúa a Verín como vila de interior referente nas artes audiovisuais”.
