A Agrupación Fotosíntesis de Ourense, en colaboración coa Fundación Vicente Risco de Allariz, organiza as “III Xornadas de Etnobotánica e Imaxe Máxica. Cartografías visuais do río Arnoia”, o 20 de xullo, de 10,30 horas a 13,00 horas e de 14,00 horas a 20,00 horas. O Festival Internacional de Xardíns de Allariz tamén colabora con estas xornadas.
Un proxecto colaborativo de cartografías visuais no río Arnoia. Unha xornada aberta a calquera persoa interesada no mundo da imaxe dende un punto de vista que vai máis aló do mundo dixital. Experimentando con novas formas e xeitos de realizar e obter imaxes creativas e imaxinativas.
Farase un mapeado de gran formato, recollida e extracción de rexistros visuais con técnicas híbridas: fotografía sen cámara, cianotípia, lumenprint, xelatina de plata, frottage, cámara estenopeica de gran formato…
Para participar nesta xornada non é preciso experiencia previa, nin tan siquera ter cámara de fotos.
A inscrición é de 100 euros e de membros da Comunidade Fundación Vicente Rirsco e socios de Agrupación Fotosíntese con prazas limitadas de ata 15 persoas. O correo para inscribirse é [email protected].
A coordinación das xornadas lévanas Ramón Casanova Fernández, Natalia Castañeda Arbeláez e Fruela Alonso Blanco.
